Чи лезги таватрин рик1 алай манияр...

Яргъалди къекъведай к1валах хьанач, сад Ст1алви, магьшур тухумдин векил Алиметоврикай Абдурагьманова Раиса Абдурахмановна я, чуьнгуьрдал макьамар ягъайди, кьвед лугьудайдини мад Агъа-Ст1алрин хтулрикай тир, Гиливи Мегьамед стхадин, алай вахтунда Мегьарамдхуьруьн Совеский СОШ-дин муаллим Усманова Каминат Мегьамедовна я. Зи рик1ел хтана, за Сулейман-Стальский районда ва вилик заманайрани ч1ехи хуьрерикай т1ир Агъа-Ст1алрин, Кьулан-Ст1алрин, Вини-Ст1алрин ва и хуьрериз куьч хьанвай Чантаррин, Циц1игърин, Агъа-Ст1ал къазмайрин ва Кьулан-Ст1алдал куьч хьанвай Векьелрин хуьрерин тарих к1ват1на, "Стал-Наме" ктаб акъуддайла, Каминат Магамедовнади, чпин ч1ехи бубаяр:Мегьамед Ярагъидиз тарсар гайи ва адан халад хва Атлухан эфендидин 1ехи тухумрикай яз, абурукай къиметлу делилар гайиди тир. Гьа ч1авуз, за чи хтулдиз ихьтин са шиирни багъишнай. А ч1авуз заз чидачир Каминатак манидарвилин гьунарни квайди. Ингье за ц1уд йисан вилик за адаз багъишай шиирдин ц1арарни. Им за Седагет вах, Пакисат вах, квез хиве кьун жагъурна, ва квел агакьарзава. Шиир: КаминатГуьзел къамат, вични экуьн сегьердин,Руш, Мегьамед бубад багъдин бегьердин,Чирвилер гун патал кьилин тегьердин,Ишигъ гузвай гъед яни вун, Каминат?Лазим къведач авун артух тарифар,Гьар садакай кIела жедач арифар.Урус чIалан хъсан чидай алифар,Ви пешедал шад яни вун, Каминат?Вилералди такунамаз чир жедач,Масадакай захъ чуьнуьхай сир жедач.Камаллуяр авачир са хуьр жедач.Пак Гилийрин къвед яни вун, Каминат? Бубаярни, халуярни дустар тир,Абур гьар сад зи мурадар, къастар тир.И кьадардин урус чIалан устIар тир,Берекатдин гад яни вун, Каминат?СтIал шаир Сажидина тади кваз,Кхьей затI я, хумрав хинкIар вилик кваз.Зун цавара къекъвез, вилин кIаник кваз,Заз герек тир сад яни вун, Каминат?​Сажидин Саидгасанов

Маншалагь ширин жеда хьи сес

баркалла квез хаалисан лезги манияр мецел алай